Old News
महेन्द्रनगर, १० कार्तिक । बाढी गएको एक महिना पछि मात्र नेपाल सरकारले पिडीतलाई राहत स्वरुप चामल खरिद गरेर बितरण गर्नका लागि एक करोड रकम कञ्चनपुर जिल्लामा पठाएको छ ।
गत महिनाको बाढी-पहिरोबाट प्रभावित सुदुर र मध्यपश्चिमका लागी सरकारले छुट्याएको पन्ध्र करोड रुपैया मध्ये कञ्चनपुर जिल्लाका लागी एक करोड रुपैया निकासा गरेको हो । गृहमन्त्रालयले जिल्ला दैविक प्रकोप उद्वार समिति मार्फ उक्त रकम निकासा गरेको जिल्ला प्रशासन कार्यालयले जनाएको छ ।रकम निकाससंगै मन्त्रालयबाट गरिएको परिपत्रमा निकासा भएको रकमले चामल खरिद गरेर पिडीतहरुलाई बाड्न उल्लेख गरिएको प्रमुख जिल्ला अधिकारी कुश्माकर ढकालले जानकारी दिनुभएको छ । प्रभावितहरुको एकिन तथ्यांक आए लगत्तै जिल्ला दैविक प्रकोप उद्वार समितिको बैठक बसेर संकलन गरिएको तथ्यांक र पीडितहरुको अवस्था हेरि राहत दिइने प्रजिअ ढकालले बताउनुभयो ।
