Old News
खेलको ओपनर ब्याटसमेनका रुपमा टीम क्याप्टन तथा महासंका कैलाली शाखा अध्यक्ष दीर्घराज उपाध्याय र सचिव भरत शाहले खेलको सुरुवात गरेका थिए । सभापति उपाध्यायले पाँच रन जोडेर बोल्ड आउट भएपछि पत्रकारको टीमलाई पहिलो झट्का लागेको थियो । पत्रकारका तर्फाट शुक्लाफाँटा एफएमका अरुण भट्टले दुइ चौकाको मद्धतले र्सवाधिक १७ रन जोडका थिए । पत्रकार शिवराज खत्रीले ६ रन , शिवराज भट्टले ५ रन, भरत शाहले ३ रन जोडेका थिए ।
४० रनको विजय लक्ष्य पछ्याउदै मैदानमा उत्रेको एचआईभी संक्रमितको टीमले ११.३ ओवरमा ८ विकेटको क्षतीमा विजय लक्ष्य चुमेको थियो । संक्रमितका तर्फाट टीम क्याप्टन समेत रहेका शिबु गिरीले ९ रन जोडेका थिए भने रुपेश किष्ण र सन्तोषले क्रमशः ३, २ र ४ रन जोडेका थिए । संक्रमितका तर्फाट शिबु गिरी र गोपालको राम्रो साझेदारी भएको थियो ।
विना पुरस्कार बडा दशैंको शुभकामना दिने उद्देश्यले खेलको आयोजना गरिएको पत्रकार महासंघ कैलालीका अध्यक्ष दीर्घराज उपाध्यायले बताए ।
खेल सकिएपछि भएको समापन समारोहमा एचआईभी संक्रमित शिबु गिरीले मुलुकको सबैभन्दा बढी संक्रमित ब्यक्ति रहेको सुदूरपश्चिममा पत्रकार र संक्रमितबीचको यो मैत्रीपूर्ण खेलले समाजमा लुकेर बसेका संक्रमितले खुल्न प्रेरणा दिने र भेदभाव कम हुनेमा आफु विश्वस्त रहेको बताए । उनले पत्रकार जगतले संक्रमितको पक्षमा कलम चलाईदिन समेत आग्रह गरे । कार्यक्रममा महासंघका कैलाली अध्यक्ष उपाध्यायले पत्रकारहरु एचआईभी संक्रमितमाथि भएको विभेद र भेदभावको पक्षमा कलम चलाउन प्रतिबद्ध रहेको बताए । उनले संक्रमितलाई माया गर्न र भेदभाव गर्नेलाई नाङ्गेझार गर्न पत्रकारहरु लागिपर्ने समेत बताए ।
