टीकापुर, २२ माघ । कैलाली क्षेत्र नम्बर ३ का बडघरहरु कम्लहरी प्रथा बिरुद्दको अभियानमा जुटेकाछन् । उनीहरुले हिजो बाट जोशिपुर, बौनिया र खैलाड गाबिसमा घरदैलो थालेकाछन् ।
उक्त घरदैलो कार्यक्रमको जोशीपुरमा सामाजिक परिचालक भीम डगौंराको प्रमुख आतिथ्य र बडघर समितिका अध्यक्ष मोहनलाल डगौंराको सभापतित्वमा अभियानको उद्घाटन भएको हो । अभियानमा त्यस क्षेत्रका १५ जना बडघर सहभागि रहेको सदस्य दिपक थारुले जानकारी गराउनुभयो । एफएनसी र युवाईएएस नेपालको सहयोगमा तथा क्षेत्रिय बडघर समितिको आयोजनामा उक्त अभियान चलाईएको गिता कुश्मीले बताउनुभयो । बडघरहरुले बषाै देखि रहेको कम्लहरी प्रथा अझै पनि व्याप्त भएकाले यसको अन्त्य गर्न आफुहरु सक्रिय भएको बताए ।
